(Tula)
Gusto kong magkaroon ng maraming lobo
Kasindami ng populasyon sa mundo
Tapos iba-ibang kulay
Parang rainbow
Isa-isa kong dodrowingan
Lalagyan ng smiley
Puwede rin ‘yong wacky
Kung kakayanin ko pa
Sabay-sabay ko ‘tong paliliparin
Sa himpapawid
Sana makikita ng mga tao
Na puro problema ng iba ang iniisip
Magugulat sila
Mapapaisip
Buti pa ‘yong lobo
Marunong ngumiti
Maalala nila
Mayroon pala silang puso
Isip
At kaluluwa
Pero hindi kayang magpangiti ng tao.
No comments:
Post a Comment